Luftime të reja në Luginën Panjshir të Afganistanit, zona e vetme rezistente ndaj talibanëve

Luftime të reja kanë filluar në Luginën Panjshir të Afganistanit, e cila cilësohet si territori i fundit që ka mbetur jashtë duarve të talebanëve.

Sipas mediumit britanik BBC, një nga udhëheqësit e rezistencës në luginë, Amrullah Saleh, hodhi poshtë raportet se talibanët e kishin kapur edhe atë zonë.

Por ai e pranoi se gjendja është e vështirë, pasi talebanët po mbyllin linjat e telefonit, internetit dhe energjisë elektrike.

LEXO EDHE  India jep 20 milionë vaksina për të shënuar ditëlindjen e kryeministrit

Lugina Panjshir, në veri të kryeqytetit Kabul, është një nga provincat më të vogla të Afganistanit dhe e vetmja që nuk ka rënë në duart e talibanëve.

Fortesa tradicionale anti-talibanë është shtëpia e diku midis 150 mijë dhe 200 mijë njerëzve dhe është e fshehur prapa majave të maleve.