Reperi i famshëm me origjinë greke i lindur në New York, Mad Clip, ka ndërruar jetë pas një aksidenti automobilistik në Vouliagmeni, Atikë. Ai po kthehej nga dasma e shokut të tij.
Reperi 34-vjeçar, i cili është i apasionuar pas shpejtësisë, është përplasur teksa po udhëtonte me makinën e tij ‘Porsche’.
Pasi kaloi katër semaforë të kuq, makina që po ngiste, devijoi nga rruga dhe u përplas në një shtyllë dhe më pas me një pemë. Përplasja ishte tepër e fortë, pasi mjeti thuajse u shkatërrua plotësisht dhe grupit të hetimit iu desh kohë të zbulonte që viktima ishte reperi, emri i vërtetë i të cilit është Peter Anastasopoulos.
ERT raporton se mesa duket ai ka qenë me një shpejtësi të madhe, e cila thuhet se ka arritur deri në 200 km/orë. 12 zjarrfikës shkuan në vendngjarje me 4 automjete, të cilët e liruan reperin pa ndjenja nga rrënojat e automjetit pas dy orësh.
Hetimet për aksidentin fatal, ku ndërroi jetë reperi Mad Clip, po vijojnë. Rrethana të tjera misterioze janë zbuluar nga momenti kur humbi kontrollin e automjetit. Dëshmitarë okularë të vendit të ngjarjes, thuhet se janë oficerë policie të ekipit DI.AS të cilët po shkonin në drejtim të rrugës bregdetare.
Si pasojë e dëshmisë së tyre, autoritetet po shqyrtonin mundësinë e përfshirjes së një makine në aksident, megjithatë të premten skenarët u morën fund, sipas ekspertit Panagiotis Madias.
Siç raportoi ai për protothema.gr, shoferi ndoshta ka shtypur frenën për arsye të pashpjegueshme pa asnjë pengesë dhe asnjë makinë tjetër.
“Për shkak të shpejtësisë së supozuar të tepërt, Porsche duhej të shkonte në drejtim të akrepave të orës në kthesën e kthesës së djathtë. Ky është paradoksi i çështjes. Në mënyrë që makina të lëvizë në këtë mënyrë dhe të devijojë me këtë mekanizëm që u ndryshua, ndoshta e ka shtypur frenën për arsye të pashpjegueshme pa asnjë pengesë dhe asnjë makinë tjetër”, deklaroi eksperti.
