Publikohet VIDEO, momenti kur i vendoset tritol makinës së policit në Durrës

Pamjet e një kamere sigurie tregojnë momentet e vendosjes së eksplozivit në makinën e efektivit të policisë, Lulzim Kastrati në Durrës.

Kamerat e sigurisë kanë fiksuar një person kur afrohet dhe më pas ulet në gomën e parë të makinës për të vendosur lëndën plasëse nga krahu i shoferit. Më pas, djali me kapele largohet me shpejtësi nga vendi i ngjarjes.

Shpërthimi ka ndodhur mëngjesin e sotëm në lagjen 17 të qytetit të Durrësit, ku objektiv ka qenë makina e punonjësit të policisë me emrin Lulzim Kastrati, me detyrë inspektor policie në qytetin bregdetar.

LEXO EDHE  A fitohet me Amerikën kundër?

Ngjarja ka ndodhur në orën 06:25, ndërsa efektivi Lulzim Kastrati dhe disa persona të tjerë që mund të keni dijeni për çështjen janë marrë në pyetje në policinë e Durrësit.