14-vjeçari kapet me pistoletë me vete

Policia e Lezhës ka vënë në pranga një 14-vjeçar që qarkullonte me armë zjarri pistoletë.

Kapja e tij u bë gjatë kontrolleve që shërbimet e Policisë ushtruan në disa automjete në Shëngjin, Lezhë e Milot.

“Gjatë kontrollit të ushtruar në një mjet taksi në të cilin ishte pasagjer një 14-vjeçar, në çantën e tij, shërbimet e Policisë Lezhë gjetën dhe sekuestruan në cilësinë e provës materiale një armë zjarri pistoletë me një krehër me fishekë. Në përfundim të veprimeve u bë arrestimi në flagrancë i shtetasit E. T., banues në Lezhë, për veprën penale ‘Armëmbajtja pa leje’ dhe materialet i kaluan Prokurorisë së Rrethit Gjyqësor Lezhë, për veprime të mëtejshme”, njoftoi policia.

LEXO EDHE  Burgoset shqiptari që trajtonte si skllevër punëtorët në lavazhin e tij në Angli! Emri

Kontrollet kanë vijuar edhe në Shëngjin, ku gjatë kontrolleve janë shoqëruar për verifikim 5 persona me precedent të mëparshëm kriminal.