Banorët e fshatit Drenie në Patos janë pothuajse të izoluar për shkak të rrugës që i lidh me fshatrat fqinje dhe zonat urbane. Në një takim me kanididatin e PD Enkelejd Alibeaj, banorët thanë se për shkak të rrugës fshati është boshatisur dhe shkolla është mbyllur.
Enkelejd Alibeaj tha se në qeverisjen e PD deri në 2013-ën, investimet në infrastrukturë ishin prioritet dhe do të kthehen si të tilla.
“Na tallën se bëmë shumë rrugë, por ja që paska nevojë vendi ende për rrugë, këtu në Drenie dhe shumë fshatra të tjerë kam parë të njëjtën gjendje. Në programin tonë infrastruktura do të jetë sërish prioritet”, tha Alibeaj.
