Rakipi-Ramës: Pse mos shkosh ti në burg që ke 8 vjet në qeverisje?

Kryeministri Edi Rama, ka qenë i ftuar në emisionin “Të Paekspozuarit” nga Ylli Rakipi në MCN TV, ku është diskutuar edhe për reformën në drejtësi. Rama tha se ka mbështetur reformën në drejtësi pa kushte, pasi nuk ka asnjë stres nga reforma. Ndërkohë që identifikoi ish-Kryeministrin Sali Berisha dhe Presidentin Ilir Meta si kundërshtarët e reformës në drejtëso.

Pjesë nga biseda:

Rakipi: Përse duhet të shkojë në burg Meta dhe Berisha dhe jo ju që keni qeverisur tetë vjet? Kjo është e tmerrshme.

Rama: Po të kisha unë stres nga reforma, nuk do të isha mbështetës i reformvs. Po të ishte kështu i bie të kem kapur Shtetet e Bashkaura të Amerikës. Saliu vërtet luan në ipad, por Pinocheti ishte në shtratin e vdekjes kur e çuan përpara drejtësisë. Kanë apo jo probleme me drejtësinë, këtë do ta thotë drejtësia.

Rakipi: Po ta kesh marrë drejtësinë ti, si do të kemi drejtësi ne? Të gjitha dosjet që ka kaluar opozita, apo pjesë të tjera të shoqërisë civile, SPAK s’ka konsideruar asgjë. Më thuaj një njeri të vetëm që është ndaluar.

Rama: Me dosjet SPAK nuk bën ndalime, por bën procese. Është e pavërtetë, që nuk ka çuar në gjykatë asnjë dosje. Përkundrazi, por di t’ju them që është e vërtetë e kundërta. Ka çuar në gjykatë dosje që i konsideron problematike. Është një dosje konkrete, gjykata do të vendosë. SPAK është akoma një krijesë e sapolindur, ka dhënë sinjale të mira.

Rakipi: Foshnja mbytet edhe në djep…