I hoqi oksigjenin grekut me COVID, si u zbulua shqiptari/ Detajet

Mediat greke raportuan sot mbi vdekjen e një të moshuari, 76-vjeç, në një nga spitalet COVID, të cilit iu hoq tubi i oksigjenit nga një pacient shqiptar, pasi ishte shqetësuar nga zhurma.

Por si u zbulua se pas krimit qëndronte shqiptari?

Mediat në Athinë kanë publikuar raportin e hetimeve që zbulon se pacienti shqiptar u identifikua nga gjurmët e gishtave.

Gjendja e pacientit grek ishte e stabilizuar sipas mjekëve, por papritur filloi të binte alarmi i pajisjes duke treguar se ishte jashtë funksionit. Pavarësisht ndërhyrjes së shpejtë, stafi nuk arriti që ta mbante në jetë 76-vjeçarin.

Mjekët konstatuan se priza e pajisjes së oksigjenit ishte hequr duke krijuar dyshimet mbi atë që kishte ndodhur, pasi sipas tyre, pacienti vetë nuk ishte në gjendje që të ngrihej. Mjekët kërkuan ndihmën e hetuesve të cilët zbuluan se në ventilator ishte gjurma e gishtave të pacientit tjetër në dhomë, që është shqiptar.

LEXO EDHE  Vdekja e 25-vjeçarit në Fier, flasin prindërit: Gjykata dha vendim qesharak për autorin

Pacienti shqiptar fillimisht mohoi çdo përfshirje, por policia sipas mediave kishte prova të pakundërshtueshme, që ishin shenjat e gishtave. Autori pranoi krimin, ndërsa u shpreh se prizën e hoqi pasi e shqetësonte zhurma e ventilatorit.

Po sipas mediave, shqiptari ka çrregullime të shëndetit mendor dhe neurologjik, të shkaktuara nga përdorimi i medikamenteve psikotrope, por edhe gjendjes së krijuar nga infektimi me COVID-19.