VIDEO/ Basha: Nuk premtoj mrekulli, por paratë e shqiptarëve do jenë në funksion të tyre

Kreu i Partisë Demokratike Lulzim Basha, ka zhvilluar një takime me qytetarët në Patos.

Gjatë bashkëbisedimit Basha u ndal tek arsimimi i të rinjve për të cilët tha se të rinjtë duhen trajnuar pasi emigrimi nuk është zgjidhja e duhur për të ardhmen e tyre.

Gjithashtu ai theksoi se qeveria nuk e ka barë detyrën e saj dhe se dështimet i fsheh duke akuzuar opozitën.

“Paratë e shqiptarë do të vendosen në funksion të shqiptarëve. Unë nuk kam ardhur t’ju premtoj mrekulli. Kjo është diçka që mund të bëhet dhe do ta bëjmë të gjithë së bashku. Kjoë shtë rruga që të ndalim emigracionin”, tha Basha.

Basha deklaroi se Partia Demokratike ka në fokus familjet e reja duke theksuar se një pjesë e buxhetit do të shkojë për të mbështetur familjet e reja shqiptare pasi vendi ka shënuar rënie të lindjeve.