Drejtuesi i Departamentit të Shëndetësisë në Partinë Demokratike, Gazment Koduzi, i ftuar në emisionin “Të Paekspozuarit” në MCN TV, ka deklaruar se kryeministri Rama, po i përdor vaksinat për pushtetin e tij dhe për vota, pa pyetur për faktin se po sjell vaksina sipas tij, “të pacertifikuara”.
“Rama po i përdor vaksinat për karriken e tij, për vota. Nuk ja ndjen për shëndetin e qytëtarëve. Ardhja e vaksinave të pacertifikuara tregon që do të bëjë eksperiment për karriken e tij. Nuk ja ndjen fare, e ka mendjen vetëm tëk karrikja. Po i përdor vaksinat për vota”, tha Koduzi.
Ai deklaroi se sistemi ynë shëndetësor ka dështuar me përballimin e pandemisë.
“Sistemi ynë shëndetësor ka dështuar në përballimin e pandemisë. Dua të marr tre elementë. Elementi kryesor, është jetët e humbura. Shqipëria ka vdekje të tepërta, diku tek gjashtë mijë, persona që kanë humbur jetën gjatë 2020, është pesë herë më shumë se sa numri i deklaruar zyrtarisht.
E dyta ka të bëjë me barrën financiare të familjeve shqiptare. Vetëm 5% kanë marrë medikamente me rimbursim.
Vetëm gjatë 2020, janë importuar 33% më shumë barna, 30 milionë euro më shumë, që janë shpenzime nga xhepi, duke mos llogaritur testet, skanerin, etj.
Qeveria nuk ka patur vullnet të ndihmojë qytetarët, i ka lënë vetëm”, deklaroi Koduzi.
