Marash Kumbulla analizoi për Supersport fitoren 0-1 përballë Andorrës. Mbrojtësi i talentuar i Romës thekson se kuqezinjtë nuk patën fat përpara portës kundërshtare, por rëndësi kishte marrja e tre pikëve.
“Andorra ishte ekip agresiv, u futën të gjithë në mbrojtje. E vështirë të gjesh hapësira, por krijuam raste dhe patëm pak fat përpara portës. Rëndësi ka që morëm tre pikët, të mendojmë për Anglinë.
Do të luajmë edhe më mirë përpara portës, do të përmirësohemi teknikisht. Me stërvitje dhe ndeshje mund të përmirësohemi mirë në aspektin teknik.
Rastet për gol? Kisha mundësi, por besoj se kishim pak fat përpara portës. Në këtë ndeshje nuk shënova dot, shpresoj t’i shënoj në një tjetër ndeshje ku do na duhen golat“, deklaroi Kumbulla.
