Dy ditë pas vrasjes së Edmond Koçit i njohur ndryshe si “Mond Çekiçi”, policia dyshon se janë përfshirë në ngjarjen kriminale të paktën 4 persona, tre prej të cilëve kanë marrë pjesë në atentatin e mirëorganizuar, ndërsa i katërti ka kryer transportimin e autorëve.
Një ditë më parë u raportua se policia kishte sekuestruar 22 gëzhoja automatiku AK-47, që dyshohet se ishte siguruar nga autorët jashtë vendit, ndërsa janë marrë në pyetje rreth 30 persona, kryesisht familjarë dhe të njohur të viktimës.
Nga raportimet mësohet se në vendin e ngjarjes janë sekuestruar një sëri provash materiale që po analizohen në laboratorin e kriminalistikës për të krijuar një identikit të vrasësve të 40 vjeçarit.
Edmond Koçi u ekzekutua pranë banesës së prindërve ku sipas shoferit të tij që ka qenë dëshmitar i ngjarjes, atentatorët i kanë prerë rrugën Koçit dhe kur Çekiçi ka dalë nga makina për të sqaruar ngjarjen, ai është ekzekutuar.
Pas ngjarjes një automjet tip Mercedes Benz që dyshohet të jetë përdorur nga autorët u gjet i djegur në Katund-Sukth, është gjetur i braktisur dhe i djegur një mjet tip Mercedes Benz, i cili dyshohet se u përket autorëve, pasi brenda saj është gjetur arma e krimit.
Një tjetër fakt që shton edhe më shumë dyshimet janë targat e automjetit të cilat pas verifikimeve kanë rezultuar të vjedhura në Tiranë.
Policia po heton në 3 pista lidhur me ngjarjen, ndërsa dyshimet janë se autorët janë vrasës me pagesë.
Nga raportimet, mësohet se automjeti që është përdorur nga autorët i ka bllokuar rrugën automjetit me të cilin lëvizte viktima, i cili ndodhej ii ulur në vendin e pasagjerit. Drejtuesi i mjetit të Mond Çekiçit ka mundur të largohet, ndërsa viktima ka pasur një debat disa sekonda para se mbi të të qëllohej me breshëri automatike.
