Ish-Kryeministri Sali Berisha u shpreh mbrëmjen e sotme në një intervistë televizive se Taulant Balla dhe Edmond Bego kanë udhëtuar së bashku 57 herë, një me pasaportë diplomatike dhe tjetri për pluhur.
“Ai që mbante pasaportën diplomatike ka udhëtuar me atë tjetrin që udhëtonte për pluhur me qëllim që të mbronte pluhurin”, tha Berisha, duke shtuar se nuk po bënte prokurorin, por nuk ka shqiptarë që të japë shpjegim sepse Balla dhe Bego kanë udhëtuar 57 herë sëbashku.
Berisha gjithashtru akuzoi Kryeministrin Edi Rama se është arrestuar në Paris për ikona të vjedhura dhe në Itali dhe këto janë akuza që ai nuk i ka mohuar asnjëherë.
Përsa i takon reformës në drejtësi, Berisha tha se kërkon të shohë një drejtësi eficente, ndërsa sot kemi një drejtësi që nxjerr nga burgjet të dënuarit përjetë dhe nuk ka guxim të dënojë një zyrtar për krimin që ka kryer.
“Dëshira ime është e madhe të shoh një drejtësi të pavarur”, tha Berisha.
I pyetur mbi shanset që ka Edi Rama për të bërë një koalicion me PD, Berisha tha se “të mendosh se mund të fitojë Rama është njëlloj si të pretendosh të gjesh koloni eskimeze në shkretëtirë. Asnjë shans nuk ka Edi Rama të bëjë koalicion me PD, ai ka vendin që të shkojë atje ku e meritojnë banditët”.
“PD do i fitojë këto zgjedhje. Edi Rama nga Kamza në Vermosh dhe nga Tirana në Konispol nuk merr asnjë votë nga patriotët shqiptarë”, tha Berisha.
