Autoritetet shëndetësore në Greqi kanë njoftuar gjatë 24 orëve të fundit 1,626 raste të reja me koronavirus. Atika vijon të jetë rajoni më i prekur, me 834 raste sot.
Numri i përgjithshëm i rasteve është 221.147, nga të cilët 51.6% janë burra. Bazuar në rastet e konfirmuara të 7 ditëve të fundit, 58 konsiderohet se kanë të bëjnë me udhëtime nga jashtë dhe 2,263 kanë të bëjnë me një rast tashmë të njohur.
Në 24 orët e fundit 53 qytetarë e kanë humbur betejën me virusin, duke e çuar në 7,091 numrin e viktimave që nga fillimi i pandemisë. Sipas të dhënave 95.8% kishin sëmundje shoqëruese.
