Martin Henze, një prej këshillarëve pranë CDU-së gjermane, ka kërkuar reagimin e ambasadave në Tiranë për dhunën e policisë ndaj opozitës dhe ndaj Kreut të Shtetit.
Në një postim në rrjetet sociale, Henze shprehet se në Shqipëri po shfaqet frikshëm një regjim autokratik që duhet ndalur.
“Ambasadorë, ku është zëri juaj? Një polic autokrat ngre dorën kundër Presidentit të zgjedhur dhe kërcënon me dhunë fizike.
A mendoni akoma se zgjedhjet demokratike mund të mbahen nga një regjim autokratik?”, shkruan Henze në Twitter.
Reagimi i Henze erdhi pas përplasjes që u krijua në zyrat e FRD-së, ku policë bashkiakë të Erion Veliajt tentuan të marrin ambientet, edhe pse shkresa që mbanin në dorë ishte pa firmë e vulë.
