Ditmir Bushati, ish-ministër i Jashtëm, i cili u la jashtë listave të kandidatëve për deputet për zgjedhjet e 25 prillit nga Kryeministri Edi Rama, ka ironizuar këtë të fundit përmes rrjeteve sociale.
Rama e justifikoi largimin e Bushatit nga listat me argumentin se që në momentin që u zëvendësua si drejtues i qarkut të Shkdorës, zbriti nga treni.
Ditmir Bushati në reagimin e tij ndaj Ramës shprehet se nuk ka rëndësi në cilin tren udhëtoni, por në cilin stacion ndaloni. “Nuk ka rëndësi se në cilin tren udhëtoni, e rëndësishme është në cilin stacion treni ndaloni” shkruhet në mesazhin e Bushatit.
Deklarata e Ramës
“Ditmir Bushati ditën e parë që u ndryshua si drejtues i Shkodrës ka zbritur nga treni dhe nuk është shfaqur në asnjë aktivitet në ato aktivitete që nuk janë puna juaj nuk janë televizive por pjesë e pandashme e çdo njeriu që kanë një mandat në këtë parti.
Është shumë e thjeshtë. Nëse Bushati do kishte punuar tokën, do ishte njësoj si shokët e vet. Kjo nuk është personale. Kush është lart duhet të rrijë poshtë, jo në listë, duhet të rrijë poshtë çdo ditë.
Një lojtar unë e mas me sa duar njerëzish ka shtrënguar sa fshatarë ka takuar, sa biznese ka takuar për t’iu thënë si ju shkojnë punët, çfarë keni nevojë, sa qytetarë ka takuar, sa i di ai problemet e zonës ku është atje se nuk mund të jetë historia që shkojnë te njerëzit vetëm për fushatë. Shpresoj ta kapë trenin prapë. Partia të vë por nuk të mban, mban veten” tha Rama.
