Vllaznia-Kukësi, Brdaric dhe Josa në dilemë për formacionet. Ja si pritet të rreshtohen skuadrat

Kategoria Superiore do zhvillojë sot dy duelet e mbetura të javës së 23-të. Në Shkodër, Vllaznia pret Kukësin, me ndeshjen që mund të sjellë ndryshimin e kreut të renditjes së Kategorisë Superiore. Për verilindorët është jashtë mbrojtësi Blerim Kotobelli, me mëngjarashin që ka plotësuar numrin katër të kartonave të verdhë.

Në duelin e orës 16:00, pritet që në fushë të jetë kapiteni Agim Ibraimi. Sulmuesi mungoi për disa ditë prej një dëmtimi në gju, teksa shihet titullar në duelin e sotëm. Mbrojtja pritet t’i besohet Gragoshit, Lulajt dhe Kurdiç, ndërsa në fashën e majtë Baravikas.

Nga ana tjetër te Vllaznia, Shehi mund të mos startojë titullar dhe një vend në të majtë të mbrojtjes pritet ta marrë Kruja, i vendosur në prapavijë bashkë me Gurishtën, Adilin e Imamin.

Në mesfushë pritet rikthimi i Kalasë, me dyshimin nëse do të luajë në vend të Da Silvës apo Kaleziç. Nga sa është provuar në stërvitje, Krymi, Jonuzi e Imeri do të jenë sërish startues. Ndryshimi tjetër mund të jetë lënia në stol e Dilaver, për një mes Ardit Hoxhajt ose Cisesë.

Formacionet e mundshme:

Vllaznia: Zogovoç; Gurishta, Adili, Imami, Kruja, Kaleziç, Krymi, Jonuzi, Imeri, Cisse, Kalaja

Kukësi: Xhika, Dragoshi, Lulaj, Kurdiç, Baravikas, Tsintsadze, Demiri, Taipi, Leira (Gashi), Ibraimi, Eze