Rama djeg edhe Xhafaj, Kodhelin e Brahon/ Majko në pikëpyetje

Partia Socialiste ka publikuar listat e kandidatëve për deputet në zgjedhjet e 25 prillit. Lista e PS është rinovuar në pothuajse 40 % të saj krahasuar me grupin e sotëm parlamentar, ndërkohë që disa nga emrat dhe figurat e PS, me të cilët ka qeverisur dhe i ka përdorur, Rama i ka vendosur në një renditje pothuajse të pakapshme për marrjen e mandatit.

Kështu Fatmir Xhafajn, ish-ministrin e Brendshëm, vëllain e Agron (Geron) Xhafajt, Rama e ka vendosur në vendin e 23 në listën e kandidatëve të Tiranës. Xhafaj është akuzuar ndër vite si ish-hetues i diktaturës, por për vite me rradhë ka mbajtur pozicione kyçe në qeverisjen e socialistëve apo në këtë parti.

LEXO EDHE  Zgjedhjet e pjesshme në Lushnje, ja kandidatët e mundshëm nga mazhoranca dhe opozita

Një tjetër emër që duket se është përfshirë në listën e PS, por në një vend aspak të arritshëm është Mimi Kodheli. Kjo e fundit renditet e 21 në listën e Tiranës. Para saj renditet Plarent Ndreca, ish-sekretar i Përgjithshëm i Ministrisë së Brendshme.

Ndërkohë Spartak Braho renditet i 28-ti në listën e Tiranës. Gjithashtu në këtë listë përfshihet edhe deputeti Halit Valteri, i asaj që konsiderohej si “opozita” parlamentare.