Presidenti i Republikës, Ilir Meta i është drejtuar qytetarëve me një video-mesazh, në lidhje me zgjedhjet parlamentare të 25 prillit.
Meta kërkon pjesmarrje masive të qytetarëve në zgjedhjet e ardhshme, duke i thënë atyre se ata që nuk votojnë në datë 25 prill nuk kanë të drejtë të ankohen për pasojat e qeverisjes.
Ndër të tjera, Presidenti shprehet se fuqia e qytetarëve është vota e tyre, duke shtuar se ccdo indiferencë nuk i shërben as demokracisë dhe as vetë qytetarit.
“Çdo qytetar, që nuk voton, moralisht, nuk ka të drejtë të ankohet për pasojat e qeverisjes apo të mos dëgjimit të zërit të tij.
Është shumë e rëndësishme t’i ndërgjegjësojmë qytetarët shqiptarë që në një sistem demokratik, fuqia e çdo qytetari është vota e tij.
Kjo është një fuqi që ai duhet ta tregojë dhe tek e cila duhet të ketë besim.
Çdo demotivim, çdo përgjumje, çdo indiferencë, pa dyshim, nuk i shërben jo vetëm demokracisë, por nuk i shërben as vetë qytetarit.
Çdo qytetar, që nuk voton, moralisht, nuk ka të drejtë të ankohet për pasojat e qeverisjes apo të mos dëgjimit të zërit të tij,” shkruan Meta.
