VIDEO/ Interi fluturon me Alexis Sanchez, dorëzohet edhe Parma

Interi ka marrë fitoren e gjashtë radhazi dhe shkëputet me 6 pikë nga Milani i vendit të dytë, falë Alexis Sanchez. Zikaltrit triumfuan me rezultatin 2-1 kundër Parmës në transfertë dhe vazhdojnë rrugën drejt titullit kampion, që mezi pritet në Milano.

Në minutat e para të ndeshjes skuadra vendase u paraqit mirë dhe Handanovic shmangu golin në një moment. Interi e rriti lojën gradualisht dhe ishte i pafat disa herë, duke bërë që pjesa e para të mbyllej me rrjetat të paprekura.

E dyta nis mirë për Interin, që realizon dy gola në harkun kohor të 8 minutave. Alexis Sanchez ishte heroi i kësaj ndeshjeje, pasi shënoi të dy golat. Tek i pari ishte me fat, pasi mori një top brenda zonës dhe mbrojtësit e Parmës dështuan të mos e linte të kalonte vijën fatale.

LEXO EDHE  “Trajneri nuk më pëlqen si lojtar”, Melo “shfryn’ ndaj Dajës: Nuk dua të punoj më me të!

Më pas në golin e dytë kiliani mund të falënderojë sulmuesin tjetër të Interit, Romelu Lukaku, i cili shërbeu për të dhe Sanchez brenda zonës nuk mund ta falte Parmën. 0-2 dhe vendasit nuk kishin çfarë humbnin.

Në harkun kohor të 10 minutave Hernani arriti të shënonte dhe të ngushtonte shifrat. Parma më pas hodhi në fushë edhe Graciano Pelle, por Interi nuk la shumë hapësira dhe ia doli të ruante epërsinë dhe të merrte tre pikë të arta. /abcnews.al