Grupi militant Shteti Islamik ka marrë përgjegjësinë për një sulm, që ka lënë të vdekura tri punonjës të një kanali televiziv afgan, në qytetin lindor Jalalabad.
Një bashkëpunëtor afgan i ISIS ka thënë se sulmuesit kanë kryer vrasjet në kryeqytetin e provincës Nangarhar më 2 mars, sipas Grupit të Inteligjencës SITE, që monitoron aktivitetin online të militantëve.
Punonjësit e televizionit Enikass, sapo ishin diplomuar dhe janë të moshës mes 18 dhe 20-vjeçare. Ato kanë vdekur pasi janë qëlluar me armë zjarri teksa janë nisur për në shtëpi.
Në dhjetor, ISIS mori përgjegjësinë edhe për vrasjen e prezantueses së këtij televizioni dhe shoferin makinës që ka qenë në të.
Së fundmi në Afganistan është rritur numri i gazetarëve, aktivistëve të shoqërisë civile dhe zyrtarëve tjerë, që shënjestrohen për t’u vrarë, teksa zhvillohen bisedimet për paqe mes qeverisë afgane dhe negociatorëve talibanë në Katar.
