Sapo janë mbyllur pjesët e para, të tre sfidave të vlefshme për javën e 22-të të Kategorisë Superiore. Apolonia kryeson 1-0 ndaj Partizanit duke shtangur të kuqtë në këtë ndeshje mjaft delikate.
Në fakt skuadra e drejtuar nga Ilir Daja ka ndëshkuar veten, teksa mbrojtësi Hakaj ka realizuar një autogol. Haxhiu del mirë nga e majta dhe gjuan drejt portës, topi përplaset në këmbët e Hakajt dhe autogol.
Ndërkohë Tirana kryeson 1-0 ndaj Bylisit. Autor i golit për bardheblutë është mbrojtësi Behiraçe. Pas asistit të Ismailgecit, futbollisti goditi saktë me kokë duke mposhtur portieri Qirko në të parën gjuajtje në kuadrat.
Takimi tjetër Skënderbeu-Kastrioti është në shifrat e barabarta 0-0.
