Një i moshuar është gjetur i pajetë në banesën e tij në Vlorë. Sipas policisë, dyshohet se viktima është vetëvarur.
“Rreth orës 13:10, në lagjen ‘Pavarsia’, dyshohet se është vetëvarur në banesën e tij shtetasi H.A., 72 vjeç. Nga këqyrja paraprake në trupin e pajetë nuk vërehen shenja dhune përveç asaj të shkaktuar nga vetëvarja”, njoftoi policia.
Grupi hetimor po kryen veprimet e mëtejshme në lidhje me sqarimin e rrethanave të ngjarjes, shtuan të njëjtat burime.