Pas një viti pushim ka rinisur kampionati i basketbolli për meshkuj, me ndeshjet e javës së parë të sezonit sportiv 2020-2021. Kampionat ku 12 skuadrat janë ndarë në dy grupe.
Në Superligë, skuadra e Teutës mposhti 92-80 Vllazninë, në Durrës, ndeshje që pritej me interes për shkak të se ekipi shkodran është përforcuar me 4 lojtarë të huaj. Gjithsesi, në fushë dominoi skuadra durrsake, që e meritoi fitoren.
Pa probleme në këtë grup fitojnë edhe Goga Basket, që mundi 102-62 Partizanin si dhe Tirana, që mposhti 129-58 Eagles Basket.
Në Kategorinë e Parë, nis me fitore debutimi në kampionat i Dinamos, që mposhti 94-52 Flamurtarin në Vlorë. Skuadra dinamovite rikthehet në kampionat pas më shumë se 10 vitesh mungesë, duke shfaqur menjëherë ambicjet e saj.
Në këtë grup, fiton me lehtë ekipi i Kamza Basket, që mposhti thellë 125-62 Apoloninë, ndërsa Elbasani fitoi në fushën e tij 79-67 ndaj Skënderbeut.
Basketboll – Superliga, Java e parë
Goga Basket – Partizani, 102-62
Teuta – Vllaznia, 92-80
Tirana – Eagles Basket, 129-58
