Eraldo Çinari është njeriu i momentit te klubi I Partizanit. Sulmuesi ka rezultuar deçiziv për të kuqtë në disa raste këtë sezon duke i dhënë skuadrës fitore të rëndësishme.
Duke parë formën e mirë sportive të talentit 24 vjeçar, disa klube janë vënë pas shërbimeve të tij. Sipas “Azeriasport”, bëhet fjalë për tre klube të ligës elitare në Azerbajxhan, mes tyre edhe Qarabag.
Për shkodranin vera mund të sjellë ndryshim ambienti, me sulmuesin që në pak ndeshje ka treguar se nuk e ka humbur nuhatjen për golin.
Çinari vuajti një pezullim katër mujor nga UEFA për shkelje të kontratës dhe firmosje njëkohësisht të dy prej tyre me skuadra të ndryshme, me Partizanin që fitoi çështjen në CAS, ndërsa Çinari u rikthye pas atij pezullimi.
