Shifra rekord e të infektuarve në Fier, policia ashpërson masat/ Dhjetra gjoba për mungesë maske

Ministria e Shëndetësisë njoftoi dje evidentimin e 1153 rasteve të reja me Covid-19, prej të cilave 109 ishin në Fier.

Kjo ishte shifra më e lartë e deklaruar zyrtarisht nga autoritetet shëndetësore për Fierin që nga fillimi i pandemisë në vend në mars të 2020.

Referuar shifrave të një dite më parë, sot policia lokale ka intensifikuar kontrollet në Fier për respektimin e masave anti-Covid.

Nga raportimet mësohet se janë aplikuar me dhjetra gjoba që i janë vendosur qytetarëve për mosmbajtjen e maskave në rrugë.

LEXO EDHE  Qeveria vazhdon të kontrollojë axhendën e Kuvendit, vlerëson raporti

Referuar shifrave zyrtare në Fier numërohen 2883 raste aktive me koronavirus, ndërsa shumë prej të prekurve janë punonjës të administratës shtetërore dhe kompanive private, kryesisht bankave.

Ndërkohë, ka nisur edhe vaksinimi i mjekëve dhe infermierëve, ndërsa dozën e parë të vaksinës e kanë marrë tashmë edhe banorët e shtëpisë së të moshuarve dhe stafi i saj.