Kryeministri Edi Rama shkatkoi reagime të shumta me deklaratën e tij lidhur me vaksinimin e personaliteteve të vendit me vaksinat anti-Covid.
E ndërsa procesi i vaksinimit vijon të trajtohet nga Kryeministri dhe ministrja e Shëndetësisë me propogandë, ndërsa ritmet mbeten të ulëta, sot Ogerta Manastirliu sqaroi se me cilat mosha do të vijojë vaksinimi, krahas mjekëve dhe infermierëve.
Rama tha se do të vaksinohen personalitetet, gjë që shkaktoi reagime dhe humor. Ndërkohë duket se Manastirliu i qëndron të njëjtit mendim si Rama.
Por cilët konsideron personalitete sipas Ramës dhe Manastirliut, çfarë kriteresh do të ndiqen për ti konsideruar personalitete dhe cilin model po ndjekin për procesin në fjalë?
“Me ardhjen e vaksinave do vazhdojnë vaksinimi i kategorisë mbi 80 vjeç. Këtë javë kemi një ritëm të mirë. Dje janë kryer 600 vaksinime. Ajo që jemi duke bërë është që të gjitha shtëpitë e të moshuarve të vaksinohen menjëherë. Sot kanë mbërritur 200 doza vaksine. Ne 7020 dozat e ardhura duhet të mbarojmë vaksinimin sa më shpejt që të mbrohen ata që na mbrojnë ne. Me ardhjen e dozave të tjera do shtrijmë vaksinimin e bluzave të bardha edhe të personaliteteve mbi 80 vjeç. Do të organizojmë punën për të vazhduar personat mbi 80-vjeç duke marrë fillimisht personat me sëmundje. Ne kapacitetet i kemi për të vaksinuar mbi 200 individë në ditë këtu në Vlorë. Ne kemi mundësi ta shtrijmë vaksinimin.
Të gjitha vendimet që do të marrim do të jenë të bazuar në disa kritere, në lidhje me rastet e reja. Nuk duam të shkojmë drejt masave kufizuese por nëse zbatojmë masat e vendosura do të ketë një kontroll shumë të mirë të epidemisë”, tha ministrja.
