“Edi Rama ka dështuar në vaksinimin e popullsisë në vend. Shqipëria rendit ndër të fundit në Europë. Rama nuk mund të ketë më në dorë jetën e shqiptarëve”, u shpreh sot eksperti i shëndetësisë pranë PD, Gazment Koduzi.
Duke e cilësuar si propogandë procesin e vaksinimit, Koduzi tha se Shqipëria renditet një nga vendet me avancimin më të pakët në vaksinimin e popullsisë në Europë.
“Sipas “The Our World in Data”, në Shqipëri deri në datën 14 shkurt, janë administruar 0.04 doza vaksinash për 100 banorë, ndërsa mesatarja e Europës deri në 16 shkurt ishte 5.91 doza për 100 banorë.
Edi Rama gënjeu kur tha se kishte garantuar dozat e mjaftueshme për vaksinimin e popullsisë.
Të dhënat reale tregojnë krejt të kundërtën dhe provojnë dështimin e tij dhe të qeverisë në sigurimin e vaksinës”, tha Koduzi.
Sipas tij, Edi Rama ka dështuar në gjithçka këto 8 vite dhe nuk ka mbajtur asnjë premtim ndaj dhe ka dështuar edhe në menaxhimin e pandemisë COVID-19.
“Edi Rama nuk mendon për shqiptarët, por për veten e tij dhe miqtë e tij, të cilëve u jep me PPP paratë e taksave tona.
Edi Rama ka dështuar ndaj dhe duhet larguar pasi nuk mund të ketë më në dorë fatet dhe jetën e shqiptarëve.
PD ka një plan për të shëruar Shqipërinë.
Me 25 prill fitojnë shqiptarët dhe humbet Edi Rama”, u shpreh ai.
