Ish-ministri i Jashtëm, Ditmir Bushati, një ditë më parë ndërsa uroi fitoren e Vetëvendjses në zgjedhjet parlamentare të 14 shkurtit, tha se gara elektorale nuk është një luftë mes të fortësh. Opinioni i Bushatit duket qartazi një shigjetim ndaj Kryeministrit Edi Rama, i cili në 2013 futi në Parlament persona me të shkuar kriminale, ndërsa në zgjedhjet e pjesshme në Dibër dhe më pas në Durrës, përdori elementë apo grupe kriminale për tjetërsimin e votës.
Referuar opinionit të Bushatit, ka reaguar ish-ministri i Drejtësisë, Ylli Manjani, i cili e këshillon ish-ministrin e Jashtëm që të hedhë sytë nga partia e Paskal Milos, pasi në partinë e tij nuk ka gjë në terezi.
“Eh mor miku im Ditmir!
Në do të hysh në parlamentin tjetër, kërko për partinë e Paskalit, se të Gjinushit e kanë xanë…
Përndryshe në pritsh gjë andej nga mëma parti, ske gjë në terezi… .”, shkruan ndër të tjera, Manjani.
