Kreu demokrat, Lulzim Basha, ka replikuar përmes rrjeteve sociale me Kryeministrin Edi Rama. Reagimi erdhi pasi Rama në një postim të tij duke iu drejtuar Bashës shkruante se politika me fatkeqësitë është si ajo makina që ngec në rrugë se s’ka zinxhirë për rrotat në rast dëbore dhe s’ka qytetar normal, sado i pakënaqur me qeverinë, që të bëhet rrotë me zinxhir si Andi Bushati, për të të besuar ty rrugën e të ardhmes së Shqipërisë për inat të qeverisë!”.
Por Basha duke iu përgjigjur shkruan “Edi proparama! Të gjithë e dinë që me ty Shqipëria ka ngecur në vend.
Shqiptarët e dinë shumë mirë që nuk ke bërë asgjë dhe që nuk do të bësh asgjë për ta. Me 25 Prill ti humb dhe Shqipëria fiton”.
Madje, kreu demokrat ka postuar edhe një video, e cila tregon se çfarë ndodh në vend, ndërkohë që rrugët janë bllokuar nga dëbora, ndërsa institucionet e shtetit dhe kompanitë që marrin fonde për mirëbajtje nuk janë gjëkundi.
