Pablo Zabaleta, ish-lojtari i Manchester City dhe ish-bashkëlojtari i Messit në ekipin kombëtar të Argjentinës dha mendimin e tij në një intervistë të dielën për Mirror Sport rreth të ardhmes së Leos, pasi kontrata e tij me Barçën të përfundojë më 30 qershor.
“Nëse Messi vendos të largohet nga Barcelona dhe dëshiron të luajë në më ligën të mirë, atëherë duhet të përjetojë emocionet e Premier League. Është diçka që mund t’i interesoje, sepse të gjithë lojtarët që njoh, gjithmonë më pyesin se si është Premier League.
Zabaleta tregon se City mund t’i ofrojë Messit një seri kushtesh optimale: “Leo ka qenë në La Liga prej vitesh dhe mendoj se do të ishte një tërheqje e shkëlqyer për të, që të përjetonte futbollin anglez.
Dhe Manchester City ofron kushtet e përsosura. Ai e njeh shumë mirë Pep, ai e njeh (drejtorin sportiv) Txiki Begiristain dhe (drejtorin ekzekutiv) Ferran Soriano dhe gjithashtu ka atje Kun Agüero. Nëse ai dëshiron të ikë, do të ishte mirë që të shkojë në një klub, ku tashmë ka njerëz që mund ta ndihmojnë atë në fushë.
Kur ke qenë në një klub për kaq shumë kohë, lëvizja në një vend të ri mund të jetë shumë e çuditshme. Jam i sigurt se klube si Paris Saint-Germain dhe Juventus gjithashtu do të ishin të interesuar ta nënshkruanin atë, por unë mendoj se City do të ishte vendi më i mirë për të shkuar pas Barcelonës.
Në fund, Zabaleta tregoi habinë e tij për gjithçka që ka ndodhur në Barça kohët e fundit: “Unë kurrë nuk kam menduar se do të shohim një situatë në të cilën Leo nuk dëshironte të ishte një lojtar i Barcelonës.
Mendoj se është qesharake që Barcelona mund të bëjë kaq shumë gabime saqë ndihen ndonjëherë të pakënaqur që janë pjesë e atij klubi. Ndoshta presidenti i ri do ta bindë Leo të qëndrojë sepse unë e di që familja e tij është vërtet e vendosur në Barcelonë. Por nëse ai vendos të largohet, do të doja ta shihja në City”.
