Një nga protagonistët që del në përgjimet që përmban dosja e gjyqtares së Krujës, Enkeleda Hoxha, është edhe mjeku Shkëlqim Korbi. Ndërhyrja e tij në procesin e lirimit të Gentjan Nezajt apo Saimir Petanit, në dosjen e siguruar nga Fax News, emri i mjekut del edhe në një çështje tjetër, të të arrestuarit Orjol Keçi, i pandehur për veprën penale “Dhunë në familje”. Gjatë shqyrtimit të çështjes në ngarkim të ketij te fundit, është marrë edhe akti i ekspertimit mjeko-ligjor i lëshuar nga eksperti mjeko-ligjor Shkëlqim Korbi.
Por si e lëshoi eksperti këtë vendim?
Nga përgjimet zbulohet se është bërë në mënyrë abuzive dhe korruptive. Korbi kishte lëshuar një tjetër raport të cilin e kishte nisur në gjykatë përmes sekretares së identifikuar si Bona. Por pas kësaj ai merr një telefonatë nga avokatja e Kuçit e cila e pyet mbi përgjigjen e raportit dhe asaj çfarë është shkruar në të.
Biseda mes avokates Suzana (Pasha) Hoti dhe Shkëlqim Korbit është kjo:
Hoti: Alo, Çimi, si kalove?
Korbi: Mirë, ça bën?
Hoti: Zana jam, a u lodhe?
Korbi: Jo, çkemi!
Hoti: A të gjej me 15 paradite në Tiranë herët a vetëm kur të takoj kur të vish në Burrel a?
Korbi: Po i kena dorzu sot ato
Hoti: Vërtetë?
Korbi: Po po
Hoti: Mirë a keq?
Korbi: Jo keq… keq…
Hoti: Po pse mor shok, po të pata thon mor ti
Korbi: Po vetëm po të shkoj t’i them t’a tërheqim, ça të të them unë ty?
Hoti: Po shko mor shok, shko mor shok tërhiqe se vij sonte aty po deshe unë, të pata thon kur do të vijsha
Korbi: Ja prit ti them, prit t’i them Bonës
Hoti: Hajde pra thuj, hajde ciao ciao, më thuaj, thuaj
Në bisedën më sipër Shkëlqim Korbi e vë në dijeni avokaten Hoti se e kishte dorëzuar aktin e ekspertizës pas kërkesës saj dhe se rezultati ishte i keq. Pas kërkesës së avokates, eksperti premton se do ta tërheq aktin dhe për këtë lidhet me sekretare Bonën. Biseda mes tyre është kjo:
Bona: Po dotore
Korbi: O Bona, i dorëzove ato aktet e mia?
Bona: Po, jo i dorëzova dmth i bëra shkresën përcjellëse (Ça kishe?)
Korbi: Atë Arjol Keçin bre mo se e kam bo gabim…. Një gabim, shife të lutem Arjol Keçin
Bona: Arjol Keçin ta heq veç
Korbi: Po po heqma, dhe leje se po vij unë
Bona: Ok, mirë, ja po e heq veç
Korbi: E se kam bo, kam bo një gabim aty
Bona: Po po e heq unë pa merak
Korbi: Hajt rrofsh Bona, hajt
Bona: Asgjë dotore, pafshim
Pasi sigurohet nga sekretarja Korbi telefonon avokaten Suzan (Pasha) Hotin:
Hoti: Hë Çimi!?
Korbi: Ja i thashë, ja për tërheqjen
Hoti: Atëherë a të vijë Lefteri (bashkëshorti i saj) do të takojë mbasdite në ça ore e do me e taku?
Korbi: Po, nigjo, unë kthehem nga Shkodra, e do më dali diku ai, se kam gjyq në Shkodër unë
Hoti: Në rregull, a të vij mbasdite në orën gjashtë në Tiranë ose në shtatë?
Korbi: Po mos vij moj në Tiranë se jam në Shkodër unë apo do me ardh në Tiranë ai?
Hoti: okei, për sa? Na foli Lefterit se e kam ci tu unë e të dali në rrugë e të komunikosh me të, ok.
Nga biseda kuptohet njohja mes ekspertit, avokatës dhe bashkëshortit të saj. Ndërkohë, nga bisedat në vijim kuptohet një takim mes Korbit dhe Lefter Hotit në Milot ku dyshohet se është bërë edhe pagesa për nderin. Pas këtyre bisedave, Gjykata e Rrethit Gjyqësor Mat ka vendosur pushimin e çështjes penale ndaj Orjol Keçit pasi nuk mund të merret i pandehur për shkak të ‘sëmundjes mendore’. Akti i ekspertimit mjeko-ligjor mban firmën e Korbit, nr 194 datë 22.04.219. Në këtë akt Korbi ka rekomanduar që Keçi t’i nënshtrohet masës mjekësore “Mjekim detyruar në një institucion mjekësor”. Dhe natyrisht Gjykata pas administrimit të këtij akti, vendosi caktimin e kësaj mase të rekomanduar nga eksperti ç’ka edhe do ta shpëtonte të arrestuarin nga dënimi për dhunë në familje.
Në bazë të përgjimeve dhe provave të mbledhura nga Prokuroria e Posaçme, rezulton se Shkëlqim Korbi ka kryer element të veprës penale “Ekspertim i rremë” dhe për këtë ndaj tij është kërkuar edhe masa e ‘arrestit me burg’. /Faxweb/
