Bojken Abazi, kryetari i Lëvizjes Vetëvendosje në Shqipëri, do të jetë kandidat për deputet në qarkun e Tiranës. Në një postim në Facebook Abazi bën me dije se KQZ ka regjistruar ditë ne sotme kërkesën e Komitetit Nismëtar për kandidimin e tij në Tiranë nën siglën e VV për zgjedhjet e 25 prillit. Komiteti që do të drejtoj fushatën në Tiranë për Vetvendosjen është i përbërë prej 9 anëtarë, ndërkohë që pas kalimit të kësaj faze do të duhet të mblidhen firmat e të paktën 3 mijë personave në kryeqytet për t’I hapur rrugën kandidimit të tij.
Deklarata
Sot, më 11 shkurt, pas shqyrtimit të dokumentacionit, KQZ në Shqipëri vendosi të regjistrojë si subjekt zgjedhor komitetin nismëtar që depozitoi kërkesën për kandidimin tim si kandidat nga zgjedhësit në qarkun e Tiranës për zgjedhjet parlamentare të 25 prillit. Komiteti nismëtar prej 9 qytetarësh nga qarku i Tiranës është i përbërë nga Enis Sulstarova, Elvis Hoxha, Dejona Mihali, Arbër Zaimi, Gea Demiraj, Klejd Luan Kellici, Suela Hasani, Qemajl Aliu dhe Elda Kruja. Vendimin i sotëm i KQZ me nr. 12 miratoi regjistrimin e komitetit me tekstin në vijim:
“Komiteti nismëtar që do të organizojë punën për paraqitjen e z. Boiken Abazi si kandidat i propozuar nga zgjedhësit në zonën zgjedhore Qarku Tiranë.”
I falenderoj kolegët për besimin e dhënë. Hapi i radhës janë nënshkrimet, që po grumbullohen, e mbi 3000 qytetarëve të qarkut të Tiranës për zyrtarizimin e kandidaturës.
