Ditën e sotme, ambasadorja Yuri Kim, shprehu bindjen se Tom Doshi nuk do të jetë në asnjë qeveri që mund të formojë Edi Rama.
Sipas analistit Agron Gjekmarkaj, kjo deklaratë është problematike dhe nuk mund të bëhet nga ambasadori i një vendi mik dhe neutral, sepse sugjeron se Edi Rama është ai që do t’i fitojë zgjedhjet.
Sipas Gjekmarkajt, Yuri Kim u nxitua me anatemimin e Tom Doshit dhe më pas duke e kuptuar këtë, u tërhoq.
“Është nisur t’i bëjë dëm Tom Doshit dhe i ka bërë një ndër. Nuk ka patur pritshmëri dhe ambicie nga Doshi, për t’u bërë ministër. Shqetësuese është një fjali, që një ambasador i një vendi mik dhe neutral nuk duhet ta shqiptonte kurrësesi. Ajo që, kur të formojë qeverinë Rama! Kjo është mjaft spekulative dhe problematike.
Çështja është, kur një vend i madh shpall dikë non grata, ka detyrimin të tregojë arsyen jo ta fshehin këtë pas formulave përgjithësuese. Shqipëria ka ligjet e veta dhe Kushtetutën e vetë.
E shoh deklaratën si tërheqje totale, ajo e ka kuptuar që është nxituar dhe është tërhequr“, tha Gjekmarkaj.
