Kreu i Akademisë së Shkencave, Skënder Gjinushi, i ka kërkuar Qeverisë të ashpërsojë masat anti/Covid, të paktën për dz javë, në mënyrë, që të vihen nën kontroll shifrat e pandemisë.
Reagimi i Gjinushit vjen në një kohë, kur edhe nga Kryeministri Edi Rama, u paralajmërua një shtrëngim masash, nëse nuk do të respektoheshin ato aktualet.
“Vdekshmëria te ne nga dhjetori në 1%, kurba e përhapjes ka formën e një vargmali me 2 majë, në nëntor. Në të gjitha vendet ka nisur zbritja, ne sot ndodhemi ende në majë dhe presim fillimin e uljes nga vala e dytë.
Kjo sepse zbatohen masa më të buta se në Evropë. Për të përshpejtuar uljen duhet të përforcojmë kufizimet për së paku një fazë 2 javore.
Përballimi në pandemi në sa më pak dëme në ekonomi”, tha Gjinushi.
Ndërkohë pak javë më parë Akademia e Shkencave publikoi një studim, sipas të cilit në qytetin e Tiranës, ishin prekur nga Covid/19 rreth 50 % e qytetarëve, një lajm ky i mirë, nëse do të ishte i vërtetë, pasi tregon se do të ishim shumë pranë asaj që njihet si imuniteti i tufës.
