Ish-Kryeministri Sali Berisha ka reaguar përmes një postimi në rrjetet sociale mbi disa akte normative të firmosura nga Kryeministri Edi Rama, sipas të cilave shtëpitë e rindërtuara në kuadrin e projektit të rindërtimit, shtetëzohen, ose më saktë pronarë të këtyre banesave është shteti.
“Me datë 2 shkurt mësohet se Edi Rama ka firmosur akte normative ku ka shtetëzuar të gjithë shtëpitë e rindërtuara pas tërmetit”, shprehet Berisha, i cili ka publikuar edhe dokumentet përkatëse.
Sipas ish-Kryeministrit, në një akt të mirëfilltë antikushtetues dhe qartësisht komunist, Edvin Kristaq Rama konfiskon defakto banesat e meremetuara pas dëmeve nga tërmeti!
Kështu sipas një VKM të Nr 52 dt 27 janar 2021 të botuar në fletoren zyrtare Nr 16 dt 2 shkurt 2021, pas meremetimit apo rindërtimit të banesës pronari i saj nuk do të ketë të drejtë që ta shesë apo tjetërsojë atë. Me këtë vendim Edvin Rama de facto shtetëzon dhjetra mijra banesa.
“Dënoj me ashpërsinë me të madhe këtë akt grabitqar antikushtetues të bastardit të bllokmeneve hoxhist që ka si baze të vetme mendësinë komunistë të etërve të tij bllokmen”, shkruan Berisha, ndërsa publikon edhe denoncimin e mëposhtëm.
Mesazhi i qytetarit dixhital
Pershendetje Dr.Qeveria parashikon me vendim te Keshilit te Ministrave qe banesat e rikonstruktuara per shkak te termetit ju kalojne ne pronesi banesat e rikonstruktuara por me kusht qe te mos te kene te drejte t’i tjetersojne . Nje mendesi tipike komuniste dhe e juristeve te qeverise krejtesisht te paafte . Pronesia edhe per juristet e vitit te pare te drejtesise ka tri tagra : Gezimin , posedimin dhe disponimin , te drejten per te tjetersuar pronen madje edhe ta prishin ate dhe te ndertojne nje te re , sipas ligjit . Ky vendim i qeverise i mohon pronarit te drejten e disponimit , e drejte thelbesore e pronesise dhe eshte absolutisht i pavlefshem dhe per kete qeveria duhet te ndryshoje Kodin Civil ,dhe me kete shumice qe ka ne Kuvend edhe mund ta bej , por do t’ja kaloje edhe Stalinit . Do te hyje ne historine boterore si nje qeveri injorante dhe ultramarksiste , leniniste , staliniste ! Natyrisht nese Gjykata kushtetuese do ta lejonte kete !
