Gazetari Ylli Dylgjeri ka reaguar me një postim në rrjetet sociale ndaj deklaratave të bëra mbrëmjen e djeshme në një prej emisioneve televizive nga deputeti Ulsi Manja, i cili komentoi kërkesën e ambasadores amerikane Yuri Kim drejtuar kryetarëve të partive për të kandiduar njerëz të pastër në zgjedhjet e 25 prillit.
Manja tha se duhen kandidatë potencialë, por iu përmbajt linjës së Kryeministrit Edii Rama, sipas të cilit përgjegjësia bie mbi kandidatët, nëse ato gënjejnë në formularët që plotësojnë.
Dylgjeri në reagimin e tij shkruan se Ulsi, më e pakta që duhet të bëjë është të heshtë.
“Ulsi, vjen nga një krahinë si Dibra me tradita të shkëlqyera patriotike e që për herë të parë gjatë drejtimit Tuaj të majtë, kriminalizuat zgjedhjet deri në krijimin e një dosje e cila ende turpëron vendin, Dibrën, dhe Ty.
Të paktën hesht se Prokuroria për zgjedhjet u shpreh: Zgjedhjet në Dibër u blenë, por u dogjën afatet!
Të paktën hesht sepse situata kriminale në vend është në kuotat më të larta…
Të paktën hesht se besimi dhe perceptimi i opinionit publik për forcat e rendit është në nivele të padëgjuara.
Të paktën hesht se elementët kriminal bëjnë ligjin në Dibër, duke emëruar kuadrin deri në nivele të larta
dhe në institucionet europiane”, shkruan Dylgjeri.
Postimi nga Ylli Dylgjeri
Ulsi! Më e pakta hesht.
Pse?
Sepse vjen nga një krahinë si Dibra me tradita të shkëlqyera patriotike e që për herë të parë gjatë drejtimit Tuaj të majtë, kriminalizuat zgjedhjet deri në krijimin e një dosje e cila ende turpëron vendin, Dibrën, dhe Ty.
Të paktën hesht se Prokuroria për zgjedhjet u shpreh: Zgjedhjet në Dibër u blenë, por u dogjën afatet!
Të paktën hesht sepse situata kriminale në vend është në kuotat më të larta…
Të paktën hesht se besimi dhe perceptimi i opinionit publik për forcat e rendit është në nivele të padëgjuara.
Të paktën hesht se elementët kriminal bëjnë ligjin në Dibër, duke emëruar kuadrin deri në nivele të larta
dhe në institucionet europiane.
Të paktën hesht se buxheti i Dibrës ndahet nga të fortët, “tenderohet” prej tyre dhe fitohet nga ato.
Të paktën hesht se pasurive minerale të rrethit të Dibres nuk po ja sheh kërkund hajrin qytetari dibran.
Të paktën hesht se keni asgjësuar shtetin dhe institucionet e të drejtës përmes korrupsionit dhe nepotizmit në administratën qëndrore dhe lokale.
Të paktën hesht se Instituti Ndërkombëtar për Lindjen e Mesme dhe Studimet e Ballkanit (IFIMES) me qëndër në Slloveni që rregullisht analizon zhvillimet në Lindjen e Mesme dhe Ballkan në një analizë të titulluar “2020 Albania, thotë: Edi Rama e çon Shqipërinë më afër Amerikës Latine jo BE ”.
Të paktën hesht se Ministria e Financave i ka nxjerrë shifrat; borxhi publik i kapërcen 9 mld euro, rritje krahasuar me një vit më parë.
Të paktën hesht se vegjelia po e le çdo ditë këtë vend.
Hesht Ulsi, për t’mos të thënë: qepe!
