Spitali i ri i Fierit, Dasho-Manastirliut: Boll u tallët me shqiptarët, po ndërtoni një klinikë

“Tallje me shqiptarët” e ka cilësuar eksperti i shëndetit publik, dr. Erion Dasho, deklaratën e ministres së Shëndetësisë, Ogerta Manastirliu, e cila nga foltorja e Kuvendit, tha se spitali i ri në Fier, do të ketë 150 shtretër.

Dasho shkruan se kur u tha se spitali do të ndërtohej për dy muaj menduam se do të ishte me 500 apo 1 mijë shtretër, por me 150 shtretër, ai s’mund të konsiderohet një spital i përgjithshëm, i cili ka minimalisht 200 shtretër.

“Me ngutjen elektorale për të mbuluar me shoshë katastrofën ku ka zhytur shëndetësinë, kryeministri po shpërdoron keqaz ndihmën bujare të një vendi mik (e cila mund të ishte përdorur për të ndërtuar një spital të mirëfilltë) dhe po i vendos një minë tjetër asaj që ka mbetur nga sistemi i dikurshëm shëndetësor”, shkruan Dasho.

Postimi nga Erion Dasho

U MBARS MALI DHE POLLI NJË MI!

Manastirliu deklaroi në Kuvend se spitali i Levanit, i ndërtuar në pikëprerjen e tre rajoneve të vendit (pra që pritej të shërbente si strukture suprarajonale) do të ketë 150 shtretër!

Kjo është një tallje me shqiptarët!

Kur u deklarua se ky spital do të ndërtohej për dy muaj, shumë ekspertë (ndër ta edhe unë) u habitëm dhe deklaruam se një ndërmarrje e tillë ishte e pamundur. Kjo sepse parashikuam se një strukturë suprarajonale do të kishte midis 500 dhe 1,000 shtretër për ta merituar këtë emër.

LEXO EDHE  Nis mbledhja e grupit të PD, ja çfarë po diskutohet

Në fakt, ndodh e kundërta! 150 shtretër është më pak edhe se numri prej 200 shtretërish i cili pranohet si minimumi i nevojshëm për një spital të përgjithshëm! 150 shtretër mund të ketë një klinikë që ofron një ose disa disiplina të veçuara!

Me ngutjen elektorale për të mbuluar me shoshë katastrofën ku ka zhytur shëndetësinë, kryeministri po shpërdoron keqaz ndihmën bujare të një vendi mik (e cila mund të ishte përdorur për të ndërtuar një spital të mirëfilltë) dhe po i vendos një minë tjetër asaj që ka mbetur nga sistemi i dikurshëm shëndetësor.

Borat,

Shqiptarët e kanë marrë vetë në dorë fatin e shëndetit të tyre! Edhe në kushte pandemie ata po preferojnë shtëpitë dhe jo spitalet e tua që kanë marrë fund!

Boll dëmtove! Lëre të qetë shëndetësinë!