Deputetja Rudina Hajdari akuzoi sot nga foltorja e Kuvendit Qeverinë Rama se me taksat e qytetarëve po paguhet mafia italiane ´Ndrangheta.
Hajdari tha se biznesi është në krizë dhe shteti është kthyer në bandë.
“Flisni me qytetarët, do t’ju tregojnë sesa shumë ka rënë konsumi sot, sesi kontrollet e kanë kthyer shtetin në bandë.
Shkoni në fshatrat e Elbasanit, t’ju tregojnë sesi jetojnë në varfëri, se bujqësia nuk ecën se nuk ka mbështetje. Flisni me banorët e Belshit, t’ju tregojnë sesi e mbajnë vajin e ullirit në shtëpi, se nuk kanë treg për t’a shitur. Takoni banorët e Përrenjasit, e Librazhdit, do t’ju thonë se kriza është ulur këmbë kryq.
Shkollat janë pa ngrohje. Shkoni në Labinot, një shkollë me mbi 200 nxënës, nga aty dalin inxhinierë dhe mësuesë, por aty s’ka asnjë kusht minimal higjieno-sanitar. As kompjutera as laborator. Me taksat e qytetarëve, paguhet ´Ndrangheta”, tha Hajdari.
