“Spitalet rajonale janë në kaos si pasojë e mbingarkesës”, mjeku ngre alarmin: Njerëzit preferojnë të kurohen në shtëpi dhe të mos vijnë në Tiranë

Mjeku Erion Dasho, përmes një postimi në facebook, ka ngritur alarmin se situata në spitalet rajonale është në kaos si pasojë e mbingarkesës nga pacientët Covid.

Sipas mjekut familjarët e pacientëve refuzojnë transferimin në Tiranë dhe preferojnë trajtimin në shtëpi.

Dasho thekson se vdekjet e raportuara janë vetëm një fraksion i numrit të personave që kanë ndërruar jetë dhe numri real do të ishte po të shtohej dhe numri i të vdekurve në rrethe ose në shtëpi.

Njoftimi i plotë: Spitalet Rajonale në kaos si pasojë e mbingarkesës me pacientë të prekur nga COVID!

Familjarët e pacientëve refuzojnë transferimin në Tiranë dhe, kur nuk u ofrojnë vende në spitalin rajonal, preferojnë të trajtohen në shtëpi duke rrezikuar seriozisht jetën dhe shkatërruar ekonominë!

LEXO EDHE  Pano Soko: 1 km rrugë 20 mln euro, Rama po i bën rrugët me fildish

7, 8 apo 9 humbjet e jetëve që raportohen çdo ditë janë vetëm një fraksion i numrit real të vdekjeve duke injoruar pacientët që vdesin në spitale rajonale, shtëpi, madje edhe në spitalet COVID (por që ministria dhe komiteti vazhdojnë t’i klasifikojnë si “SARS-CoV-2 negativë”!

Ministria vazhdon të mbajë stadiumin hapur dhe ende nuk ka përfunduar 975 vaksinat e “kontrabanduara” para tre javësh, kurse përqindja e rasteve që testojnë pozitiv në raport me rastet e testuara ka kaluar sërish mbi 25%!

Katastrofa shëndetësore e paralajmëruar prej muajsh të tërë është ulur këmbëkryq në Shqipëri këtë fund janari…