Ambasadori italian në Shqipëri, Fabrizio Bucci, ka reaguar në lidhje me përgjimet e bëra nga anti-mafia italiane, ku personazhe të Ndraghetës diskutojnë për plane biznesi në Shqipëri.
Buzzi shprehet se i takon gjyqtarëve që të kryejnë me qetësi dhe në mënyrë të pavarur punën e tyre.
Ambasadori gjithashtu thekson se italia do të jetë vazhdimisht përkrah Shqipërisë në luftën kundër krimit të organizuar dhe korrupsionit.
“Italia është e do të jetë gjithmonë, përkrah institucioneve të Republikës së Shqipërisë në luftën ndaj korrupsionit dhe krimit të organizuar.
Mbështetje maksimale autoritetit gjyqësor shqiptar për shqyrtimin e plotë të çdo episodi të korrupsionit apo të paligjshmërisë, nga cilido qoftë kryer dhe prej ngado rrjedh.
Le t’i lemë gjyqtarët të kryejnë në paqe punën e tyre, me qetësi e në mënyrë të pavarur. U përket atyre të dallojnë faktet nga fjalët”, shkruan Bucci në Twitter.
