Koronavirusi lë disa pasoja tek personat e prekur të cilat mund të zgjasim me muaj.
Mjekët e familjes deklarojnë se shumica e atyre që kanë kaluar këtë infeksion, rikthehen tek mjeku me shqetësime të ndryshme, por lodhja dhe ankthi gjendet tek të gjithë:
“Kryesisht shprehin lodhje e cila vazhdon për disa kohë, gjendje ankthi. Në varësi të stadit që kanë kaluar sëmundjen kanë paraqitur infeksione të shpeshta urinare, probleme pulmonare.
Ato duan kohën e tyre të rikuperimit, probleme kardiake apo dhe shqetësime të tjera”.
Minimalja 1 muaj është koha e rikuperimit pasi një person kalon koronavirusin, ndërsa moshat e mesme kanë problematika më të mëdha, që duan më shumë kohë të shëohen:
“Moshat që kanë pasur problematika më të zgjatura, varet në varësi të stadit që kanë kaluar virusin.
Nëse kanë kaluar fazën e moderuar kryesisht 45-65 vjeç edhe pse mund të kenë pasur probleme shëndetësore, nuk i kanë trajtuar dhe Covid është bërë subjekt i shfaqjes së problemeve të tjera”.
Mjeket apelojnë që çdo person që kalon koronavirusin të vazhdojë me vitaminoterapinë, një dietë të mirë ushqimore, aktivitet fizik dhe të kujdesen për gjendjen emocionale duke shmangur stresin dhe ankthin.
