Përfaqësuesi i komunitetit ortodoks të Lezhës Koço Kapedani është dhunuar nga disa punëtorë të firmës kontraktore për kryerjen e punimeve në këtë zonë përpara shtëpisë së tij. Lajmi është bërë me dije nga anëtari i Këshillit Kombëtar të PD Albert Loçi.
Ai ka ndarë videon nga momentin i përplasjes mes tyre ku punonjësi qëllon Kapedanin me send të fortë përpara shtëpisë së tij. Nuk bëhen të ditura shkaqet për këtë konflikt që është përshkallëzuar në dhunë fizike.
