“Skafi në Palasë nuk më harrohet”, ironia e Dylgjerit me Yuri Kim

Gazetari Ylli Dylgjeri ka ironizuar përmes rrjeteve sociale ambasadoren e SHBA në Tiranë, Yuri Kim, e cila u shfaq dje duke blerë gështjenja te një shitës ambulant.

Dylgjeri shkruan se edhe ai ble çdo ditë gështenja, por askush nuk e fotografon. E në vijim të postimit, Dylgjeri thumbon diplomaten amerikane lidhur me udhëtimin e saj me skaf në Palasë, foto që qarkulluan në media dhe rrjetet sociale.

Postimi nga Ylli Dylgjeri

E megjithatë…skafi në Palasë nuk harrohet.

Ambasadorja SHBA duke blerë gështenja te liqeni! Kam një sekret per ty zonja Kim. Poshtë shtëpise time është një grua që shet çdo ditë gështenja. Ndaloj edhe Unë aty për të blerë. Nuk më bën foto kërkush.

Zonja, gështenjat i shet me gota të bardha plastike. Kushtonin 50 lek një gotë me gështenja të pa qëruara.

Dje në mëngjez, me tha: Sot gota kushton 100 lekë.

LEXO EDHE  Hetimet mbi Artan Shkëmbin, autoritetet gjermane kthejnë përgjigje

Ka ndryshuar çmimi. Nuk di, po na thonë se shumica e ka ndryshuar çmimin nga taksat.

Kaq me tha. E pashë me dhimbje dhe u largova.

Dje nuk bleva gështenja. Nuk di sa ju a ka shitur Ju?

Kjo blerje Juaj me kujtoi dhe nje histori:

Në një udhêkryq, në një pyll, një fshatar ishte ulur e shiste vezë. Aty pas pak kalon me karrocën me kuaj mbreti. Ndalon dhe i ofrohet fshatarit. Pasi e përshëndet e pyet:

Sa të kushtojnë vezët?

Fshatari i thotë një çmim shumë të lartë.

Mbreti habitet dhe e pyet sërrisht;

Jane vezë të rralla që i shet kaq shtrenjtë?

Jo – i përgjigjet fshatari, janë mbreterit e rrallë që blejnë vezë.

Nuk di, po edhe unë u habita pak nga blerja Juaj.

E megjithate skafi në Palasë nuk më harrohet.