Një ditë më parë, Ambasada franceze në Tiranë, dorëzoi një notë proteste në Ministrinë e Jashtme shqiptare, lidhur me deklaratat e Kryeministrit Edi Rama, i cili në vazhdën e akuzave të tij ndaj Bashkimit Europian, për vaksinat anti-Covid, evidentoi Francën si një nga vendet, që mund të jepte disa nga dozat e vaksinave që ka siguruar për vendet e Ballkanit, përderisa procesi i vaksinimit atje po ecte me ritme të ulëta.
Lidhur me debatin e krijuar ka pasur reagime të shumta, ndërsa ndaj Kryeministrit Rama janë drejtuar akuza nga opozita, që e cilëson Kreun e Qeverisë një mosmirënjohës.
Ndërkohë, ish-ministri Ylli Manjani, i cili njihet për ironitë dhe sarkazmën që përdor herë pas here nëpër rrjetet sociale, shkruan: Zotin Macron duhet ta kenë vrarë atletet që i dhuruam. Ndaj reagoi aq ashpër…
