Rama tentoi të bjerë në sy, u refuzua si negociator në bisedimet greko-turke/ Zbardhen detaje

Në Tiranë, analistë të afërt me Kryeministrin Edi Rama, nisën të qarkullojnë tezat se ai mund të ishte një negociator në bisedimet mes Turqisë dhe Greqisë për zgjidhjen e mosmarrëveshjeve mes dy vendeve.

Madje u hodh edhe hipoteza se takimet mes ministrave të Jashtëm të dy vendeve mund të zhvilloheshin në Tiranë.

Gjithçka nisi kur Edi Rama pas takimit në Ankara me Presidentin Rexhep Taip Erdogan, u nis drejt Athinës për të takuar homologun grek.

E ndërsa në kryeqytetin shqiptar qarkulluan hipotezat se Rama po luante rolin e negociatorit, madje në ndihmë të tyre erdhi edhe një propozim se takimi diplomatik mund të mbahej në Tiranë, Ministria e Jashtme greke nuk humbi kohë dhe njoftoi se “negociatat në nivel teknik do të mbaheshin në 25 janar në Stamboll”.

Me pak fjalë duket se roli i Edi Ramës ishte thjesht ai i një “postieri”, nga Ankaraja në Athinë, edhe pse për pak ditë iu vesh petku i negociatorit.

LEXO EDHE  Votuesi i PS i ankohet Bashës: Votat mund të manipulohen, nuk më ka ndihmuar Rilindja

Sot mediat greke kanë zbardhur të tjera detaje, madje raportojnë se Rama tentoi të binte në sy, por është refuzuar si negociator.

Gazetari grek Vassilis Nedos shkruan në “Kathimerini” se kjo tentativë ishte thjesht për të bërë zhurmë dhe rënë në sy dhe nuk kishte asgjë konkrete në të.

“Është e qartë në Athinë se shumë prej asaj që diskutohet në publik udhëhiqet më shumë nga qëllimi për të rënë në sy, siç ishte për shembull propozimi që kryeministri shqiptar Edi Rama të shërbente si ndërmjetës dhe që takimi i dy ministrave të jashtëm Nikos Dendias dhe Mevlut Cavusoglu zhvillohen në Tiranë, gjë që pala greke me sa duket nuk e pranon”, shkruan ai.