Ish-ministri i Drejtësisë, Ylli Manjani, ka reaguar përmes një postimi në rrjetet sociale, lidhur me nisjen e vaksinimit anti-Covid në Shqipvri. Manjani shkruan se vaksina që iu bë dje Edi Ramës ishte kismeti i një mjeku, ose infermieri, pasi në fund të fundit janë shumë më të ekspozuar se sa Kryeministri.
Manjani shkruan se jemi në kushtet ku çdo pikë e asaj vaksine duhet të imjektohet në trupat e njerëzve me rrezik të lartë.
“Ndaj vetvaksinimi i Tij në këto kushte, pra për politikë, është thellësisht i papranueshëm! Të paktën nuk injektohet në fundshpinë ajo vaksinë, se do kishte pataksur miletin për ndryshe… Sigurisht, jo për herë të parë”, ironizon Manjani.
Postimi nga Ylli Manjani
Politvaksinë.
*******
Ajo vaksinë që Ai bëri dje ishte kismeti i një mjeku, ose infermieri ose personeli sanitar. Secili prej këtyre të fundit është shumë më i ekspozuar ndaj rrezikut të infektimit sesa Ai.
Aq më tepër në kushtet kur numri i vaksinave në dispozicion është ekstremisht shumë i ulët.
Nuk jemi në kushtet ku kemi vaksina tepër sepse njerëzit nuk kanë besim! Në këto kushte do justifikohej disi vaksinimi Kryeministrit apo politikanëve.
Jemi në kushtet ku çdo pikë e asaj vaksine duhet të imjektohet në trupat e njerëzve me rrezik të lartë. Dhe ky grup është padyshim PERSONELI MJEKSOR.
Ndaj vetvaksinimi i Tij në këto kushte, pra për politikë, është thellësisht i papranueshëm! Të paktën nuk injektohet në fundshpinë ajo vaksinë, se do kishte pataksur miletin për ndryshe… Sigurisht, jo për herë të parë.
Nga ana tjetër, zotëria e Tij, nuk bën punën për të cilën paguhet. Askush nuk e di as planin e furnizmit me vaksinë e as planin e vaksinimit sipas grupeve që kanë më shumë nevojë.
Askush nuk e di kur e ka radhën të vaksinohet dhe si?! Po dozat e dyta, kur merren?!
Të gjitha qeveritë i kanë bërë publike këto programe kohë më parë fillimit të vaksinimit.
Politika dhe vaksinimi nuk mund të bashkohen kaq brutalisht dreqi e mori!
