Koronavirusi në Greqi/ Rritet numri i rasteve të reja, 27 të vdekur në 24 orët e fundit

Në Greqi gjatë 24 orëve e fundit kanë rezultuar pozitiv me koronavirus 866 qytetarë, dhe kanë humbur jetën 27 qytetarë, ndërsa janë shëruar 337 persona.

Në raport me ditën e djeshme kanë pësuar rritje si numri i infektimeve, pasi dje u shënuan 444 raste të reja.

Numri total i infektimeve ka shkruar 146,020, ndërkohë që numri i viktimave është 5.239 në të gjithë vendin që nga fillimi i pandemisë, duke përfshirë edhe përditësimet e ditës së sotme.

Presidenti i shoqatës mjekësore në Greqi, Athanasios Exadaktylos është shprehur i shqetësuar, duke thënë se situata epidemiologjike në vend është tepër shqetësuese dhe kritike.

LEXO EDHE  Zv.Drejtori i ISHP: Jemi në ditët e fundit të shkërmoqjes, në mars do të kemi më pak se 1 mijë të infektuar në ditë

Ai theksoi se rezultatet e vaksinës do të bëhen të dukshme kur të jenë vaksinuar të paktën 2 milionë qytetarë në vend.

Ditën e sotme, në mediat greke ka qarkulluar edhe letra që i ka drejtuar kryeministri i Greqisë Kyriakos Mitsotakis, Këshillit të Evropës për krijimin e një certifikate e cila do të përdoret si mjet prove për vaksinimin me qëllim qarkullimin më të lehtë brenda BE-së.

Vaksinimi anti-COVID në Greqi ka nisur më datë 27 dhjetor, ndërkohë që në vend po vaksinohen 8 mijë qytetarë ne ditë.