Kryetari i PD, Lulzim Basha ka vizituar ditën e sotme zonat e përmbytura në Shkodër teksa ishte i shoqëruar nga kryebashkiakja Voltana Ademi.
Basha theksoi se shteti duhet të ngrihet për të bërë detyrën.
“Përmbytjet po dominojnë Ultësirën Perëndimore. Është një situatë që i mbivendosje fatkeqësive të tjera. Nuk është koha për politike, por nuk mund të mohohet që gjendja mund të jetë më e mirë menaxhuar dhe kjo është detyrë e shtetit.
Duhet të kemi transparencë për atë që po ndodh, duhen marrë masa emergjente. Shanset janë që situata duhet të vijë duke u përkeqësuar, ndërsa duhet marrë masa për t’ju ardhur në ndihmë banorëve”, tha Basha.
Kreu i opozitës shtoi se do të bëjë çdo gjë për të ndihmuar banorët e zonës.
“Nuk është koha për të bërë politikë, por shteti dhe strukturat e tij duhet të jenë në këmbë, të jenë pranë qytetarëve”, tha Basha.
