Disa aktivistë të shoqërisë civile reaguan dje lidhur me negociatat mes Shqipërisë dhe Greqisë për kufirin detar, por një ndërhyrje e dhunshm e policisë, nuk lejoi që ata të zhvillonin asnjë protestë para Kryeministrisë.
Mes personave të dhunuar dhe shoqëruar nga policia, ishte edhe aktivisti i njohur, Profesor Sazan Guri.
Ndaj tij u ushtrua dhunë, gjë që tregohet edhe nga denoncimi që ka bërë avokati Altin Goxhaj. Ai thotë se profesor Guri ka pësuarshembje të kockave si pasojë e dhunës nga civilët e policisë, ndërsa paralajmëron kallzim penal ndaj ministri Bledi Çuçi dhe kreut të policisë Ardi Veliu.
“Prof. Sazan Guri sot duke dalë nga Spitali Ushtarak pasi mori Dosjen e shembjeve të kockave nga policët civilë për të bërë Kallzimin Penal ndaj Çuçit dhe Veliut për tentativë për vrasje për shkaqe politike!
Dje policët civilë të Veliut dhe Çuçit plagosën Prof. Sazan Gurin duke i shembur brinjët (sipas mjekëve të Spitalit Ushtarak) pasi e rrëzuan në shkallët e Kryesisë së Kuvendit (është e gjitha me prova video) i cili edhe mund të kishte humbur jetën për shkak të operacionit në zemër 3 javë më parë (është ende në trajtim mjekësor).
Profesori dje po jepte konferencë për shtyp para Kryeministrisë (në trotuarin e Kryesisë së Kuvendit) kundër gjykimit në Hagë të Detit!
Por Edi Rama ka takim nesër me Qeverinë Greke për ti shitur detin Jon Greqisë dhe dhuna barbare ndaj patriotëve është dhurata e vasalit Rama për Padronët e tij në Greqi!”, shkruan Goxhaj.
