Një aksident i frikshëm për pak sa nuk i ka kushtuar jetën ish-portierit të Udineses, Napolit dhe Romës, Morgan De Sanctis.
43-vjeçari, që aktualisht mban një rol drejtues te Roma, gjendet në terapi intensive pas një aksidenti të ndodhur gjatë natës, me dinamika ende të paqarta. Ish-futbollisti nuk është në rrezik për jetën, por i është hequr shpretka dhe ka disa brinjë të thyer.
De Sanctis ka pasur një karrierë të pasur, ku shënohet edhe fitorja e një kampionati me Juventusin në vitin 1997 si rezervë, dhe një Kupë të Italisë si protagonist me Napolin në 2011-2012.
